இனிய புத்தாண்டு வாழ்த்துக்கள்

இனிய புத்தாண்டு வாழ்த்துக்கள்

அன்புடன் எல்லோருக்கும் எனது உளம் கனிந்த இனிய புத்தாண்டு வாழ்த்துக்கள்.

[caption id="" align="aligncenter" width="480"] புத்தாண்டு வாழ்த்துக்கள்[/caption]

அன்புடன்

சாதாரணன்

புனித நத்தார் தின வாழ்த்துக்கள்!!

எல்லோருக்கும் புனித நத்தார் தின வாழ்த்துக்கள்!!!!

 

அன்புடன் எல்லோருக்கும் எனது உளம் கனிந்த

புனித நத்தார் தின வாழ்த்துக்கள்.

அன்புடன்
சாதாரணன்

தகவற்சித்திரம் - காட்டுத்தீயிலிருந்து பாதுகாப்பதற்கான வழிமுறைகள்

சமீபகாலங்களில் ஆஸ்திரேலியாவில் காட்டுத்தீயானது கோடைகாலங்களில் பெருமளவு அழிவையேற்படுத்துகின்றது. உடமைகளை மட்டுமல்லாமல் உயிரழிவையும் ஏற்படுத்தும், இப்பேரழிவிலிருந்து பாதுகாப்பதற்கான வழிமுறைகளை அறிந்துகொள்வது ஆஸ்திரேலிய மக்களுக்கு மிக,மிக அவசியமானதொன்று. அதற்கமைய‌ உங்களையும், உங்கள் உடமைகளையும் காட்டுத்தீயிலிருந்து பாதுகாத்துக் கொள்ளுவதற்கான வழிமுறைகளை, மிகவும் எளிமையாகவும், இலகுவாகவும் புரிந்துகொள்ள ஏதுவாக இத்தகவற்சித்திரம், அனிமேஷன் வழியாக சொல்லித்தருகின்றது. எனவே படத்தில் க்ளிக்கி (click) அனிமேஷன் தகவற்சித்திரத்தைப் பார்க்கவும்.

[caption id="attachment_413" align="aligncenter" width="530"] தகவற்சித்திரம் - காட்டுத்தீயிலிருந்து பாதுகாப்பதற்கான வழிமுறைகள் (Infographics)[/caption]

Summary:Australian Bushfire Survival guides.

Source: www.heraldsun.com.au
நன்றி : www.ces.vic.gov.au

இதற்கு முன் நிகழ்ந்திராத YouTube பவளப் பாறை நேரலை ஒளிபரப்பு

 

ஆஸ்திரேலியாவின் Queenland மாநிலத்திலுள்ள உலகின் இயற்கையான ஏழு அதியசயங்களில் ஒன்று என வர்ணிக்கப்படும் Great Barrier Reef, உலகின் அதிபெரிய பவளப்பாறையிலிருந்து YouTube பவளப் பாறை நேரலை ஒளிபரப்பை நீங்கள் இன்று இலங்கை இந்திய நேரப்படி அதிகாலை 5.30AM இலிருந்து மாலை 5.30PM வரை பன்னிரண்டு மணி நேரத்திற்கு நேரலையாக‌ கண்டுகளிக்கலாம்.

[caption id="attachment_558" align="aligncenter" width="500"] இதற்கு முன் நிகழ்ந்திராத YouTube பவளப் பாறை நேரலை ஒளிபரப்பு[/caption]

ஆண்டுதோறும் பல இலட்சக்கான மக்கள் உல்லாசப்பயணிகளாக வந்து கண்டுகளிக்கும் Great Barrier Reef வை நீங்களும் கண்டுகளிக்க இது ஒரு அரிய வாய்ப்பாகும். மேலும் இந்நேரத்தில் சுழியோடிகளுடன் twitter இல்
#reeflive வழியாக தொடர்பும் கொள்ளலாம்.


மேலதிக தகவல்களுக்கு பின்வரும் இணைய இணைப்புக்களைப் பார்க்கவும்.

http://www.youtube.com/user/queensland/reeflive

http://www.cnbc.com/id/100791294

http://www.youtube.com/queensland

http://en.wikipedia.org/wiki/Great_Barrier_Reef

மறைந்த பாடகர் அமரர் P.B ஸ்ரீநிவாஸ் நினைவாக என் தெரிவுப் பாடல்கள் காட்சிகளுடன்

சந்திப்போமா, இன்று சந்திப்போமா : எனக்கு நினைவு தெரிந்த நாட்களிலிருந்து பிடிச்ச முதற் படப்பாட்டே சித்தி படத்தில் இடம்பெற்ற 'சந்திப்போமா, இன்று சந்திப்போமா' பாடல்தான்.  இப்பாடலைப் பாடியவர் அமரர் P.B ஸ்ரீநிவாஸ். அல்லும் பகலும் இப்பாடலை றேடியோவில் இப்பாடலை எதிர்பார்த்துக் காத்திருப்பேன். இதுபற்றி முன்னைய பதிவொன்றில் குறிப்பிட்டுள்ளேன்.

பால் வண்ணம் பருவம் கண்டு : அமரர் எம்.ஜி.ஆர் அவர்களின் படங்களில் இடம்பெறும் பாடல்கள் சிறப்பாக இருக்கும் என்பது எல்லாருக்கும் தெரிந்ததுதானே.  இப்பாடல் 'பால் வண்ணம் பருவம் கண்டு' எம்.ஜி.ஆர் அவர்களின் பாசம் படத்தில் இடம்பெற்றது.

வளர்ந்த கலை மறந்துவிட்டாள் கேளடா, கண்ணா : திருமணமான தம்பதிகளிடையே வரும் ஊடலில் 'பிள்ளை விடு தூது' இன்றியமையாத சிறப்பான பங்கை வகிக்கும். சிறுவயதில் நீங்களும் இதைக் கண்டு பெற்றோரிடம் கண்டு இரசித்திருப்பீர்கள். "தம்பி, இந்த சாப்பாட்டை அவரிட்டைக் கொண்டுபோய்க் கொடுத்திட்டு வா" நாங்களும் அப்பாவிடம் கொண்டுபோய்க்கொடுக்க அப்பா திருப்பி "தம்பி, அவவிட்டை சாப்பாடு வேண்டாமென்று போய்ச் சொல்" . இப்பாடல் 'வளர்ந்த கலை மறந்துவிட்டாள் கேளடா, கண்ணா', அவ்வகையைச் சேர்ந்தது. இனிப் பாடலைப் பாருங்கள்.

மூன்று பாடல்களையும் ஒருமித்து சாதாரணனின் வெண்திரையிலும் கண்டு இரசிக்கலாம்.

எங்கள் நினைவில் தன்பாடல்கள் மூலம் என்றுமே வாழப்போகும் பாடகர் அமரர் P.B ஸ்ரீநிவாஸ் அவர்களின் ஆன்மா சாந்தி அடைய‌ட்டும்.

அன்புடன்
சாதாரணன்

இனிய சித்திரைப் புத்தாண்டு வாழ்த்துக்கள்!!!

இனிய சித்திரைப் புத்தாண்டு வாழ்த்துக்கள்!!!

அனைவருக்கும் இனிய சித்திரைப் புத்தாண்டு வாழ்த்துக்கள் !!!

 

[caption id="attachment_536" align="aligncenter" width="500"] இனிய சித்திரைப் புத்தாண்டு வாழ்த்துக்கள்[/caption]

உங்கள் எல்லோரின் வாழ்வும் இப்புத்தாண்டில் சிறப்புற அமைய என் அன்பான புத்தாண்டு வாழ்த்துக்கள்.

அன்புடன்
சாதாரணன்

தகவற்சித்திரம் (Infographics) - தகைமைத் திரட்டு (Resume)

தகவற்சித்திரம் (Infographics) - தகைமைத் திரட்டு (Resume)

நீங்கள் உங்களிடமுள்ள திறமைகளை பட்டியலிட்டு நிரல்படுத்தி தகைமைத் திரட்டு (Resume)உருவாக்கி வைப்பதென்பது இன்றியமையாதது. நீங்கள் வேலைதேடும்பொழுதும், மேலும் வேலையில் பதவியுயர்வைப் பெற்றுக்கொள்வதற்கும், நல்ல வேலைமாற்றம் பெற்றுக்கொள்வதற்கும், சமயத்தில் இரண்டாவது வேலை பெற்றுக்கொள்வதற்கும் தகைமைத் திரட்டு (Resume)உதவுகின்றது. உங்களில் பலரும் இதனை எழுத்து வடிவம் (Text) மூலம் உருவாக்கி வைத்திருப்பீர்கள். இங்கு நீங்கள் காணப்போவது தகவற்சித்திர (Infographics) வடிவத்தினாலான ஒரு தகைமைத் திரட்டு (Resume).இதனை உருவாக்கியவர் தன்னுடைய திறமைகளை, அழகாக தன் அவயவங்கள் ஒவ்வொன்றுக்கும் உள்ள திறமைகளாக நிரல் படுத்தியுள்ளார். இனி தகவற்சித்திரத்தைப் பார்ப்போம்.

 

[caption id="attachment_530" align="aligncenter" width="662"] தகவற்சித்திரம் (Infographics) - தகைமைத் திரட்டு (Resume)[/caption]

இத்தகவற்சித்திரம் மிகவும் பெரியது. எனவே தகவற்சித்திரத்தில் க்ளிக்கி (click) ஓப்பன் (open) பண்ணிப் பார்க்கவும்.

இதனைப் பார்க்கும் உங்களிற்கும் இதுபோன்ற தகவற்சித்திர (Infographics) வடிவத்தினாலான ஒரு தகைமைத் திரட்டு (Resume) ஒன்றை உருவாக்கும் எண்ணம் தோன்றலாம். பின்வரும் இணைப்புக்களில் சென்று முயற்சிக்கவும்.

மிகவும் பிரபல்யமான தகவற்சித்திரம் உருவாக்கும் கருவி (Infographics Tool)
http://visual.ly/

எவ்வாறு தகவற்சித்திரத்தை உருவாக்கலாம் என்பதை இவ்விணைப்பில் படங்களுடன் இங்கு காணலாம்.
http://vector.tutsplus.com/tutorials/designing/how-to-create-outstanding-modern-infographics/

பலமாதிரி வடிவங்களிலான தகவற்சித்திர தகைமைத் திரட்டுக்களை (Sample Infographics Resumes) இங்கு காணலாம்.
http://pinterest.com/rtkrum/infographic-visual-resumes/

Summary:

This infographics article have information about how can create a resume in inforgraphics form. Also you can see a sample Infographics resume and you can see some links for Infographics tool.

Source: www.careymercier.com
நன்றி :www.careymercier.com

அன்புடன்

சாதாரணன்.

உயிர்த்த ஞாயிறு தின வாழ்த்துக்கள்

அனைவருக்கும் உயிர்த்த ஞாயிறு (Easter Sunday) தின வாழ்த்துக்கள்

[caption id="attachment_524" align="aligncenter" width="640"] உயிர்த்த ஞாயிறு (Easter Sunday) தின வாழ்த்துக்கள்[/caption]

 

அன்புடன்
சாதாரணன்

தகவற்சித்திரம் (Infographics) - சிறுவணிகத்தில் (Small Business) சமூக ஊடகங்களின் (Social Media) பயன்பாடு

சிறுவணிகங்கள் (Small Business) சமூக ஊடகங்களைப் (Social Media)பயன்படுத்தி எவ்வாறு வாடிக்கையாளர்களுடன் தொடர்புகளை விரிவுபடுத்திக் கொள்ளலாம் என்றும், அதன் மூலம் வணிகத்தை பெருக்கிக் கொள்ளக்கூடிய வழிமுறைகளையும் வெகுசுருக்கமாக சொல்லுகின்றது இத்தகவற்சித்திரம்.

[caption id="attachment_504" align="aligncenter" width="342"] தகவற்சித்திரம் (Infographics) - சிறுவணிகத்தில் (Small Business) சமூக ஊடகங்களின் (Social Media) பயன்பாடு[/caption]

பிரபலமான முன்னிலை சமூகஊடகங்களான ட்விட்டர், முகநூல், யூடியுப், கூகிள்+, ட்டம்பிளர், ட்டிக் (Twitter, Facebook, YouTube, Google+, Tumbler, Digg) ஆகியவற்றின் பயன்பாடுகளை ஒப்பிட்டு ஆராய்வதோடு நின்றுவிடாது, அவற்றில் உங்கள் கணக்குகளை ( User Account) ஆரம்பிப்பதற்கான ஆரம்பகட்ட நடைமுறைகளையும் கற்றுத்தருகின்றது இத்தகவற்சித்திரம். இனி மிச்சத்தை தகவற்சித்திரம் சொல்லும்.

இத்தகவற்சித்திரம் மிகவும் பெரியது. எனவே தகவற்சித்திரத்தில் க்ளிக்கி (click) பெரிதாக்கிப் பார்க்கவும்.

 

Summary:

This infographic of small business social media cheat sheet explains, how small business can, build up their customer base by using the social media. Also It is compare the pros, cons of major social media sites, such as Twitter, Facebook, YouTube, Google+, Tumbler, and Digg.

Source: Flowtown
நன்றி : Flowtown

சில தமிழ்ப்பதிவுத் திரட்டிகளில் இணைப்பதில் சிக்கல் ஏற்பட்டதால் திரும்பவும் பதிவிட்டுள்ளேன் பொறுத்தருளவும்.

அன்புடன்
சாதாரணன்.

தகவற்சித்திரம் (Infographics) - சிறுவணிகத்தில் (Small Business) சமூக ஊடகங்களின் (Social Media) பயன்பாடு

சிறுவணிகங்கள் (Small Business) சமூக ஊடகங்களைப் (Social Media)பயன்படுத்தி எவ்வாறு வாடிக்கையாளர்களுடன் தொடர்புகளை விரிவுபடுத்திக் கொள்ளலாம் என்றும், அதன் மூலம் வணிகத்தை பெருக்கிக் கொள்ளக்கூடிய வழிமுறைகளையும் வெகுசுருக்கமாக சொல்லுகின்றது இத்தகவற்சித்திரம்.

[caption id="attachment_504" align="aligncenter" width="342"] தகவற்சித்திரம் (Infographics) - சிறுவணிகத்தில் (Small Business) சமூக ஊடகங்களின் (Social Media) பயன்பாடு[/caption]

பிரபலமான முன்னிலை சமூகஊடகங்களான ட்விட்டர், முகநூல், யூடியுப், கூகிள்+, ட்டம்பிளர், ட்டிக் (Twitter, Facebook, YouTube, Google+, Tumbler, Digg) ஆகியவற்றின் பயன்பாடுகளை ஒப்பிட்டு ஆராய்வதோடு நின்றுவிடாது, அவற்றில் உங்கள் கணக்குகளை ( User Account) ஆரம்பிப்பதற்கான ஆரம்பகட்ட நடைமுறைகளையும் கற்றுத்தருகின்றது இத்தகவற்சித்திரம். இனி மிச்சத்தை தகவற்சித்திரம் சொல்லும்.

இத்தகவற்சித்திரம் மிகவும் பெரியது. எனவே தகவற்சித்திரத்தில் க்ளிக்கி (click) பெரிதாக்கிப் பார்க்கவும்.

 

Summary:

This infographic of small business social media cheat sheet explains, how small business can, build up their customer base by using the social media. Also It is compare the pros, cons of major social media sites, such as Twitter, Facebook, YouTube, Google+, Tumbler, and Digg.

Source: Flowtown
நன்றி : Flowtown

அன்புடன்
சாதாரணன்.

காதலர்தினம் ஸ்பெஷல் 2 (Valentine’sDay Special)

காதலுக்கு கண்ணில்லை என்பார்கள். இன, மொழி, சாதி, மத பேதங்களைப் பார்க்காததால் அப்படிச் சொன்னார்களோ? இனி நான் தரும் இரண்டு பாடல் காட்சிகளையும் பார்த்தால் நீங்களும் ஒப்புக்கொள்வீர்கள்.

உருவத்தில் தடியனாக இருப்பது காதலுக்கு தடையாகுமா? கிடையவே கிடையாது என்று சொல்லும் இந்தப்பாடல் இடம்பெற்ற மலையாளப்படம் 'டா தடியா'.

என்றுமே காதலித்தால், காதல் இறப்புக்கும் அப்பாற்பட்டு வென்றுவிடும் என்கிறது அடுத்த பாடல்.

திருமணத்திற்கு முன் காதலிப்பவர்களுக்கும், திருமணத்திற்குப்பின் மனைவியைக் காதலிப்பவர்களுக்கும் என் அன்பான காதலர்தின வாழ்த்துக்கள்.

அன்புடன்
சாதாரணன்

காதலர்தினம் ஸ்பெஷல் 1 (Valentine'sDay Special)

ஒரு பாட்டுக்கு இசை முக்கியமா இல்லை கவிதை முக்கியமா? இல்லையில்லை காதல்தான் முக்கியம் என்கிறது இந்தப்பாடல். சென்னையே கொண்டாடிய இந்தப் பாடலைப் பார்த்துவிட்டு சொல்லுங்கள் உண்மையா இல்லையா என்று.

காதல் வந்தால் எல்லாமே மறந்து போய்விடும் என்பதை வெகுளித்தனமாக புரியவைத்து எல்லோர் மனதையும் கொள்ளைகொண்ட மற்றுமோர் நல்ல பாடல்.

திருமணத்திற்கு முன் காதலிப்பவர்களுக்கும், திருமணத்திற்குப்பின் மனைவியைக் காதலிப்பவர்களுக்கும் என் அன்பான காதலர்தின வாழ்த்துக்கள்.

அன்புடன்
சாதாரணன்

(இது எனது சின்னச் சின்னச் செய்திகள் வலைப்பூவில் வந்ததொரு பதிவின் மீள்பதிவு.)

மிச்சச்சொச்சம் - அம்பிகை இல்லம் அளவெட்டி வடக்கு அளவெட்டி

நான் புலம்பெயரும் வரை, ஈழத்திலிருந்த இருபத்திரண்டு வருடங்களில் பெரும்பாலும் எனது முகவரியாக இருந்தது. அம்பிகை இல்லம் அளவெட்டி வடக்கு அளவெட்டி. அம்பிகை இல்லத்தில், சொந்தமாகப் பிள்ளைகள் இல்லாவிட்டாலும் பல பிள்ளைகளை சிறப்பாக சொந்தப்பிள்ளைகள் போல் வளர்த்துவிட்ட மாமா, மாமியிடம் (அப்பாவின் அக்கா) ஒரு பிள்ளையாகத்தான் நானும் அங்கு வளர்ந்தேன்.



மிச்சச்சொச்சம் - அம்பிகை இல்லம் அளவெட்டி வடக்கு அளவெட்டி


மாமாவின் அம்பிகை இல்லம் பிரமாண்டமானதொரு வீடு. தரையிலிருந்து ஐந்து படிகள் ஏறித்தான் வரவேற்பு விறாந்தைக்குள் வரவேண்டும். படிகளின் இரு ஒரங்களிலும் பெரும் திண்ணைகள். வரவேற்பு விறாந்தையின் இருமருங்கிலும் மாமாவின் அறை, ஆபிஸ் அறை. வரவேற்பறையைத் தாண்டினால் ஒரு பெரிய ஹோல். ஹோலின் ஒருமருங்கில் கூடம், படுக்கையறை, சாமியறை, மறுமருங்கில் வைப்பறை, நடைவழி, குசினி என‌ ஹோலின் பக்கத்திற்கு இரண்டென நான்கு அறைகளாய் மொத்தமாக‌ ஆறு பெரிய அறைகள் கொண்டதொரு பிரமாண்டமான வீடு. வீட்டை ஒரு சுற்று ஓடிவந்தால் களைத்துவிடுவோம். அவ்வளவு பெரிசு.

நல்ல மழை பெய்தால் முல்லைத்தீவிலிருந்து வரவழைத்த தனிப்பனைமரச் சிலாகைகளால் உருவாக்கிய மாபெரும் கூரையின் ஓடுகளிருந்து வழியும் நீர் அருவியாக அம்பிகை இல்லத்தின் திண்ணையின் முன்னால் கொட்டும். பால்ய காலத்தில் அதில் குளிப்பதில் உள்ள சுகம் இருக்கிறதே எழுத்தில் சொல்லிக் கொள்ளமுடியாதது.

அம்பிகை இல்லம் வெறுமனே ஒரு வசிப்பிடமாக மட்டும் இருந்ததில்லை. மாறாக‌ பாலர் பாடசாலை, தையல் பயிலுமிடம், ரியூசன் சென்ரர் என பல்வேறு விதங்களிலும் சமூகத்திற்கு உதவியிருக்கிறது. இதன் உச்சமாக அம்பிகை இல்லத்தின் ஹோலில் நாங்கள் காட்டிய பாரதிராஜாவின் சிவப்பு ரோஜாக்கள் வீடியோ படக்காட்சி பற்றித் தனிப்பதிவுதான் போடவேண்டும்.

மாமா ஆங்கிலத்தில் புலமையுள்ள ஒய்வுபெற்ற தலமையாசிரியர், அதனால் அம்பிகை இல்லத்திற்கு தினசரி இரு பத்திரிகைகள் வரும், ஒன்று டெய்லி மிரர், மற்றது ஈழநாடு. இதைவிட தடிச்ச தமிழரசுக் கட்சி ஆதரவாளரான மாமாவுக்கு பிடித்த சுதந்திரனும் வாரவெளியீடாக வீடு வந்து சேரும். மாமாவிற்கு கண்பார்வை மங்கத் தொடங்கியிருந்ததால் பத்திரிகைகளை நான் வாசித்துக் காட்டுவதுண்டு. அப்ப‌டி அறியாது, தெரியாத வயதில் மாமாவுக்கு வாசித்த பத்தி, 'ஐயாறன் எழுதுவது' இல் உண்டான ஈர்ப்பு என்னை மரபில் 'வானவில்' எழுதவைத்தது.

இப்பதானே எல்லோரும் கொத்துபரோட்டா, சாண்ட்விச், மிக்சர், நொறுக்குத்தீனி, கள்ளத்தீனி என பத்தி எழுதுகிறார்களே, நானும் ஒண்டு எழுதினால் என்று நினைத்தபோது மாமியின் ருசியான பழம் சோத்துக் குழையல் தான் நினைவுக்கு வந்தது. எப்பிடியிருக்கிறது சாப்பிட நீங்கள் ரெடியென்றால் நானும் ரெடி. ஆனால் மச்சம் இல்லாத குழையல்தான்.

அன்புடன்
சாதாரணன்

தகவற்சித்திரம் சேர். வில்லியம் ஷேக்ஸ்பியர் (Sir. William Shakespeare)

இன்று உலகின் மிகப் புகழ்வாய்ந்த நாடக ஆசிரியர் வில்லியம் ஷேக்ஸ்பியர்
(Sir. William Shakespeare) பற்றிய சில சுவாரஸ்யமான விபரங்களை உள்ளடக்கிய தகவற்சித்திரம் ஒன்றைத் தந்துள்ளேன். வில்லியம் ஷேக்ஸ்பியர் ஆங்கில மொழியில் எழுதிய பிரபலமான பல நாடகங்கள் உலகின் அதிகமான‌ மொழிகளில் மொழிபெயர்க்கப்பட்டுள்ளன.  இன்றும் வேறு எந்த ஒரு நாடகாசிரியரின் நாடகங்களை விடவும், வில்லியம் ஷேக்ஸ்பியரின் நாடகங்கள் உலகெங்கிலும் அதிகமாக நடாத்தப்படுகின்றன‌. வில்லியம் ஷேக்ஸ்பியர் ஒரு சிறந்த கவிஞருமாவார்.

[caption id="attachment_469" align="aligncenter" width="450"] தகவற்சித்திரம் சேர். வில்லியம் ஷேக்ஸ்பியர்(Sir. William Shakespeare on infographics)[/caption]

 

இத்தகவற்சித்திரம் மிகவும் பெரியது. எனவே தகவற்சித்திரத்தில் க்ளிக்கி (click)  ஓப்பன் (open) பண்ணிப் பார்க்கவும்.

Summary : Interesting information about Sir. William Shakespeare on infographics

Source : WWW.RIOKAELANI.COM

நன்றி : WWW.RIOKAELANI.COM

நகல் - ஈழத்தமிழரின் உலகத்தரம் வாய்ந்ததொரு குறும்படம்

நகல் - ஈழத்தமிழரின் உலகத்தரம் வாய்ந்ததொரு குறும்படம்

நேற்று நான் பார்த்த‌ இக்குறும்படம், நகல் புலத்திலிருந்து இனிமேல் வரவிருக்கும் தமிழ்ப்படங்கள் உலகத் தரத்தையும் விஞ்சியிருக்கும் என்பதற்கு சான்றுபகரும் மற்றுமொரு படமாகும். குறும்படங்களில் தலைப்பும் வலிமையான‌ பங்காற்றும் என்பதையும் நகல் சொல்லியிருக்கின்றது.

[caption id="attachment_456" align="aligncenter" width="450"] நகல் - ஈழத்தமிழரின் உலகத்தரம் வாய்ந்ததொரு குறும்படம்[/caption]

ஈழத்தமிழரின் புலம்பெயர் வாழ்வில் தொலைந்துபோகும் உறவின் வலிமையை குறிப்புணர்த்தியதின் மூலம், தன் வலிமையையும் சுட்டிக்காட்டிய நகல், வெறுமனே அதனோடு நின்றுவிடாமல் உலகமயமாக்குதலில், மேலும் நகரமயமாக்குதலில் மனிதன் தொலைத்துக் கொண்டிருக்கும் மனித விழுமியங்களைப் பற்றியும் பொதுவாகச் சொல்லிச் செல்வதன் மூலம், நகல் தன் உலகத்தரத்தை வலிமையாக நிரூபிக்கின்றது.

இப்படத்தில் எனக்கு பிடித்த விடயங்கள். திரைக்கதை முற்றிலும் என்னைக் கவர்ந்தது. சொல்லவந்த சேதியை சொல்வதில் எள்ளளவும் வழுவாமால், அதேவேளை பார்வையாளனின் பலவித ஊகங்களுக்கும் இடமளித்து செல்லும் காட்சிகளினூடாக, திரைக்கதை தொடக்கத்திலிருந்து முடிவுவரை அமைந்தவிதத்தினால், என்னை மிகவும் கவர்ந்தது. இக்குறும் படத்தினை மீண்டும் ஒரு தடவை பார்க்கும்போது இதனை நீங்களும் உணர்ந்து கொள்வீர்கள் என்றும் நம்புகின்றேன்.

திரைக்கதைக்கு துணைபுரிந்த, செறிவுமிக்க, மிகவும் குறுகிய உரையாடல்கள், காட்சிகளின் மூலம் திரைக்கதைக்கு மேலும் வலுவூட்டிய ஒளிப்பதிவு, திரைக்கதையின் நகர்வுகளுக்கு ஏற்றவிதத்தில் வேகத்தை கட்டுப்படுத்திய எடிட்டிங் என்பன மிகவும் சிறந்தவிதத்தில் நகலில் அமைந்திருந்தன.

படத்தில் நடித்தவர்கள் தங்கள் கதாபாத்திரத்தை உணர்ந்து, மிகையில்லாத இயல்பான நடிப்பால் திரைக்கதைக்கு நன்கு மெருகூட்டியிருக்கிறார்கள். ரீரெக்காடிங் இசையும் படத்துடன் பார்வையாளனை ஒன்றிணைந்து வைத்திருக்க துணை நிற்கின்றது. படத்தில் குறையே இல்லையா? என்று நீங்கள் கேட்டால், அதற்கு என் பதில் படத்தைப் பார்த்தபின் உங்களுக்கு குறையேதேனும் தெரிகிறதா? என்பதே.

ஒற்றை வரியில் வர்ணிப்பதானால் புலம்பெயர் தமிழரிடமிருந்து உலகத்தரம் வாய்ந்த படங்களை எதிர்பார்க்கலாமென துல்லியமாக‌த் தெரிவிக்கும் நம்பிக்கையின் ஒளிக்கீற்று நகல்.

இக்குறும் படத்தில் பங்காற்றியவர்களின் விபரங்கள்

நடிகர்கள் : பொன். தயா, பிரசான், ஜெயா
கதை, திரைக்கதை, இயக்கம் : பொன். தயா
ஒளிப்பதிவு, படத்தொகுப்பு : பொன். கேதாரன்
தயாரிப்பு : யாழ் மீடியா

நகல் குறும்படம் தொடர்பான மேலதிகத் தகவல்களைத் தரும் வலையிணைப்புகள்

http://www.youtube.com/user/yaalmedia
http://www.yaalmedia.net
https://www.facebook.com/yaalmedia

Summary : Tamil Short Film Naghal

Cast: Pon Thaya, Prasan & Jaya
Story, Screenplay & Direction: Pon Thaya
Camera & Editing: Pon Ketharan
Produced by Yaal Media

நன்றி : YouTube
Source: Yaal Media

ஆஸ்திரேலிய தின வாழ்த்துக்கள்!!!!.

ஆஸ்திரேலிய தின வாழ்த்துக்கள்!!!!.

இன்று ஆஸ்திரேலியா தினம் (26/01/2013) ஆகும். இன்று ஆஸ்திரேலியாவிலுள்ள மக்கள் எல்லோரும் தேசிய ரீதியாகக் வெகு சிறப்பாக ஆஸ்திரேலியா தினத்தைக் கொண்டாடுகின்றனர். இன்று ஆஸ்திரேலியாவிலுள்ள எல்லா மாநிலங்களிலும் சிறப்பு நிகழ்ச்சிகள் நடைபெறுகின்றன.

இந்த வருடம் ஆஸ்திரேலிய தினத்தை முன்னிட்டு உத்தியோகபூர்வமாக ஆஸ்திரேலிய அரசினரால் வழங்கப்படும் அதியுயர் விருதான இவ்வருடத்திற்கான ஆஸ்திரேலியன் (Australian of the year) விருதை, New South Wales (NSW) மாநிலத்தை சேர்ந்த, ஊடகத்துறையில் சிறப்பாக பணியாற்றிய பெண்மணி, Ita Buttrose AO OBE பெறுகின்றார். இந்த விருது ஆஸ்திரேலிய குடிமக்களுக்கு முன்மாதிரியாகத் திகழும் தலைமைத்துவமிக்க கௌரவமான குடிமகனொருவருக்கு வருடம் தோறும் வழங்கப்படும் ஆஸ்திரேலியாவின் அதியுயர்வான‌ சிறப்பானதொரு விருதாகும்.

[caption id="attachment_442" align="aligncenter" width="450"] Australian of the year, Ita Buttrose AO OBE with                             Australian Prime Minister Hon Julia Gillard MP[/caption]

Ita Buttrose, அவர்கள் Australian Women's Weekly, Cleo சஞ்சிகைகளின் ஆசிரியராக மிகக் குறைந்த வயதிலேயே பொறுப்பேற்று நடத்தியிருக்கிறார். இவர் தற்போது மருத்துவ, சுகாதார துறைகளில் பணியாற்றும் சமூக நிறுவனங்களோடு இணைந்து சமூகப் பணியாற்றி வருகிறார். அவரை நாமும் வாழ்த்துவோம்.

தெளிவான பளிங்கு நீலக்கடலால் சூழப்பட்ட, அழகான கடற்கரைகளும், தொன்மையான புராதனமிக்க பாறைகளும், மழைவனக்காடுகளும் நிறையப்பெற்ற இயற்கைவளமிக்க ஆஸ்திரேலிய நாட்டின் குடிமகனான நானும் ஆஸ்திரேலிய தினத்தை இன்று விமரிசையாகக் கொண்டாடுகின்றேன்.

எல்லோருக்கும் எனது அன்பு நிறைந்த ஆஸ்திரேலிய தின வாழ்த்துக்கள்!!!!.

இணைப்புக்கள்
ஆஸ்திரேலியா தினவிபரங்கள்
http://www.australiaday.org.au/

விருதுகள் பற்றிய விபரங்கள்
http://www.australianoftheyear.org.au/

இவ்வருடத்திற்கான ஆஸ்திரேலியன் Ita Buttrose AO OBE அவர்களின் விபரங்கள்

http://en.wikipedia.org/wiki/Ita_Buttrose

அன்புடன்
சாதாரணன்

-அப்ப பின்னை, நேரமிருக்கேக்கை பேந்தும் வாங்கோவன்-

மிச்சச்சொச்சம் - அளவெட்டியில் பிறந்த நான் மீண்டும் அளவெட்டிக்கு வந்த கதை

இன்று நீங்கள் கேட்கப்போவது அளவெட்டியில் பிறந்த நான் மீண்டும் அளவெட்டிக்கு வந்த கதை. ஊடகங்களிலை உள்ள பிடிப்பிலை, நான் கேட்ட கேள்விகளாலை (சினிமா பற்றி மடியிலையிருந்துகொண்டு அம்மா, அப்பாட்டை நாடி தடவிக்கேட்ட கேள்விகள் இன்னொரு செட் இருக்குது அதை பின்னுக்கு இன்னொரு பந்தியிலை வடிவாச் சொல்லியிருக்கிறன்.)  நிலைகுலைந்து போனவை எல்லாரும் ஒன்றுகூடி ஒரு முடிவெடுத்திச்சினம். பெடியன் ஊடகங்களிலையெல்லோ மூளையை விடுறான். பெடியன்ரை படிப்பெல்லோ கெட்டுக் குட்டிச்சுவராகப்போகுது. இங்கையிருந்தா பெடி குறுக்கை எங்கையாகிலும் போயிடும். யாழ்ப்பாணத்திலை கொண்டுபோய் விட்டாத்தான் சரியென்று முடிவெடுத்திச்சினம்.

யாழ்ப்பாணம் என்றால் படிப்பு, படிப்பென்றால் யாழ்ப்பாணம் என்றிருந்த பொற்காலமது. இலங்கையின் பல பாகங்களிலுமிருந்து மாணவர்கள் யாழ்ப்பாணம் வந்து படித்த காலமது. யாழ்ப்பாணத்து பள்ளிக்கூடங்களின் விடுதிகள் எல்லாம், மலையகம், மட்டக்களப்பு, திருகோணமலையென‌ வெளி மாவட்ட மாணவர்களால் நிரம்பியிருந்த காலம். அப்படி என்னையும், கூப்பனையும் (ரேஷன் கார்டு) கொடுத்து, கொண்டுவந்து விட்ட இடம்தான் அளவெட்டி. உண்மையில் கொழும்பின் கட்டிடகாட்டினிடையே என் வாழ்வு முடங்கிவிடாமல், நல்ல விட்டு, வீராத்தியாக உலாவி, படிப்பிலும் கெட்டித்தனம் காட்டி அளவெட்டியில் நான் வளர்ந்தேன்.

[caption id="attachment_431" align="aligncenter" width="450"] கெப்பிட்டல் தியேட்டர் கொழும்பு[/caption]

இனி என்ரை சினிமாவுக்கு வருவம். உங்களுக்குத் தெரியும்தானே அந்தக்காலத்தில் கொழும்பு போன்ற நகரங்களில் வாழ்ந்தவர்களுக்கு சினிமாவுக்குப் போறதெண்டால், நாங்கள் ஊரிலை திருவிழாக்குப் போறமாதிரி, அப்பிடி என்ரை அப்பா, அம்மாவும் நல்ல சோக்கா, டிப்டொப்பா வெளிக்கிட்டு, தம்பியையும் (என்னை) தூக்கிக்கொண்டு வந்து, பப்படவத்தையும், பஞ்சிகாவத்தை ரோட்டும் சந்திக்கிற முக்கிலையிருந்த சுந்தர‌ராஜன் அண்ணையின்ரை பெட்டிக்கடையிலை சோடாவும் வாங்கிக் குடிச்சிட்டு, கெப்பிட்டல் தியேட்டருக்குப் படம் பார்க்கப் போகேக்கை, அவையளுக்குத் தெரியாது தம்பியும் தியேட்டரிலை இன்னுமொரு படம் காட்டப்போறான் எண்டு.

என்ரை படக்கதை இதுதான். என்ரை படம் பெல் அடிக்கமுதலே கேள்விக்கணைகளோடு தொடங்கிவிடும்.
இதேன் அங்கை பெரியசீலையாலை மூடியிருக்கினம்?
அங்கை ஆக்கள் நடிக்கப்போகினம்.

இப்ப ஆக்கள் அங்கையிருக்கினமே?
பெடி கிட்டப்போய்ப் பார்க்கப்போகுதேயென்ற பயத்திலை,
இல்லை. பெல் அடிக்கத்தான் வருவினம்.
எப்பிடி, எதுக்குள்ளாலை, வருவினம்?
மேலாலை, ஏணி வைச்சு இறங்கி வருவினம்.

இப்பிடி, என்ரை கேள்விகள், படம் தொடங்கின பிறகும் விடாமல் தொடரும்.
ஏன் நாங்கள் எல்லாரும் இருட்டுக்குள்ளையிருக்க அவையள் மட்டும் வெளிச்சத்திலை படம் நடிக்கினம்?
இங்கையிருக்கிற எல்லாருக்கும் அவையளிலை நல்ல விருப்பம். எல்லாருக்கும் நல்லாத் தெரியவேணுமெண்டுதான் வெளிச்சத்திலை படம் நடிக்கினம்.

அப்பிடியே உவையளிலை எனக்கு விருப்பமில்லை. நாகேஷிலைதான் விருப்பம். அவர் எப்ப வருவாரம்மா?
இப்ப வந்திடுவார். கொஞ்சம் சத்தம் போடாமல் இருக்கிறீங்களே!

இனி அடிதான் விழுமெண்ட பயத்திலை. தம்பி கேள்வி கேட்கிறதை விட்டுட்டு கொஞ்சநேர ஆராய்ச்சிக்குப்பிறகு,
அப்போதை அந்த ஓட்டைக்குள்ளாலை வெளிச்சம் வந்தது. இப்ப இந்த ஓட்டைகுள்ளாலையெல்லோ அம்மா வெளிச்சம் வருகுது ஏனம்மா? எண்டு தொடரும். இதுபோல விளங்கப்படுத்த ஏலாத என்ரை கேள்விகளுக்கெல்லாம் நல்ல கிள்ளுத்தான் விளக்கமாக கிடைக்கும். கிள்ளுத்தந்த நோவிலை அழுது அசரப்போகும் என்னை நாகேஷ் வந்துதான் உஷாராக்குவார்.

வந்த நாகேஷ் போறவரைக்கும் துள்ளிக் குதிச்சுப் படம் பாக்கிற நான். நாகேஷ் போனபிறகு
இனி எப்ப நாகேஷ் வருவார்? என்றபடிக்குத் தொடரும்.
படமும் கிளைமாக்ஸை நெருங்க, என்ரை படமும் உச்சக்கட்டத்தையடைந்து இனி நாகேஷ் வரவே மாட்டாரா? என்று கேட்டு தமிழ்ப்படங்களின் ஓட்டத்தை துரிதப்படுத்த உதவிவிட்டு இடைநடுவில் காணாமல் போகும் காமெடியன்களைப் பற்றிக் கவலைப் படத்தொடங்கி விடாமல் ஒரே கேள்வியை திரும்பத், திரும்பக் கேட்கத் தொடங்கிவிடுவேன்.

இவன் தன்ரை படத்தை எல்லாருக்கும் காட்ட வேணுமெண்டுதான் முடிவுகட்டி தியேட்டருக்கே வந்திருக்கிறான் எண்டு சொல்லி சனமெல்லாம் அப்பா, அம்மாவை பார்த்து முறைக்கத் தொடங்கிவிடும்.அப்பாவும், அம்மாவிடம் நீயிருந்து படத்தைப்பார். நான் இவன்ரை படத்திற்கு ஒரு முடிவு கட்டியிட்டு வாறன். எண்டு சொல்லிக் தியேட்டருக்கு வெளியிலை கூட்டிக்கொண்டு வந்து யாருமே எதிர்பார்க்காத கிளைமாக்ஸாக பெப்பமின்ற் (கற்பூர இனிப்பு) வாங்கித் தருவார். இதுக்கு மேலையும் இழுத்தால் சனம் இரசிக்காது என்று தெரிந்து நானும் படத்தை முடித்துவிடுவேன்.

இப்பிடி சினிமாவைப் பகுத்தாராய்ந்து பார்த்து வளர்ந்ததினால் வந்த வளர்ச்சி. எனக்குப் பிடித்த தமிழ்ப்படங்களின் பட்டியலை இப்படி தக்கவைத்து, இன்றுவரை தொடர்கிறது.

உதிரிப்பூக்கள், அழியாதகோலங்கள், அவள் அப்படித்தான், என நீளும் பட்டியலில் சமீபத்தில் நந்தலாலா........இன்னும் கிட்டத்தில் அட்டகத்தியும்.....மேலும் நடுவுல கொஞ்சம்.......

ஆனா பாருங்கோ, அங்கையிழுத்து, இங்கையிழுத்து, கடைசியிலை இப்ப எங்கை கொண்டுவந்து விட்டிருக்குதெண்டால் அதுவும் ஊடகத்திலைதானே. தியேட்டரிலை பார்த்த சினிமாவை, இண்டைக்கு வீட்டிலை வீடியோ, டிவிடி, யூடியூப்பிலை எண்டு பார்கிறதிலை தொடரத்தானே செய்யுது.

அன்புடன்
சாதாரணன்.

அடுத்த வெளியீடு : அம்பிகை இல்லம், அளவெட்டி வடக்கு, அளவெட்டி.

-அப்ப பின்னை, நேரமிருக்கேக்கை பேந்தும் வாங்கோவன்-

தகவற்சித்திரம் - காட்டுத்தீயிலிருந்து பாதுகாப்பதற்கான வழிமுறைகள்

சமீபகாலங்களில் ஆஸ்திரேலியாவில் காட்டுத்தீயானது கோடைகாலங்களில் பெருமளவு அழிவையேற்படுத்துகின்றது. உடமைகளை மட்டுமல்லாமல் உயிரழிவையும் ஏற்படுத்தும், இப்பேரழிவிலிருந்து பாதுகாப்பதற்கான வழிமுறைகளை அறிந்துகொள்வது ஆஸ்திரேலிய மக்களுக்கு மிக,மிக அவசியமானதொன்று. அதற்கமைய‌ உங்களையும், உங்கள் உடமைகளையும் காட்டுத்தீயிலிருந்து பாதுகாத்துக் கொள்ளுவதற்கான வழிமுறைகளை, மிகவும் எளிமையாகவும், இலகுவாகவும் புரிந்துகொள்ள ஏதுவாக இத்தகவற்சித்திரம், அனிமேஷன் வழியாக சொல்லித்தருகின்றது. எனவே படத்தில் க்ளிக்கி (click) அனிமேஷன் தகவற்சித்திரத்தைப் பார்க்கவும்.

[caption id="attachment_413" align="aligncenter" width="530"] தகவற்சித்திரம் - காட்டுத்தீயிலிருந்து பாதுகாப்பதற்கான வழிமுறைகள் (Infographics)[/caption]

இத்துடன் ஒரு தகவல் இணைப்பும் பிடிஎவ் (pdf) பைல்லாக உள்ளது. ஓப்பன் பண்ணிப் பார்க்கவும்

http://www.ces.vic.gov.au/__data/assets/pdf_file/0019/152452/99-144.pdf

Summary:Australian Bushfire Survival guides.

Source: www.heraldsun.com.au
நன்றி : www.ces.vic.gov.au

சிறுகவிதை - உண்மை அல்லது குழப்பம்

இன்று நான் கவிதையொன்றெழுத முயன்றிருக்கின்றேன். நீங்களும் படிச்சுப்பாருங்கோ. பிடிச்சிருந்தாச் சொல்லுங்கோ.அன்புடன்சாதாரணன்.

 

உண்மை அல்லது குழப்பம்

பனைமரத்தின் கீழே

பச்சைத்தண்ணியைக் குடிச்சிட்டுப்

பாலென்று சொல்லக்

கள்ளென்று நம்பும்

உலகத்தை என்னவென்று சொல்ல‌

கடவுளே!!

 

-அப்ப பின்னை, நேரமிருக்கேக்கை பேந்தும் வாங்கோவன்-

தகவற்சித்திரம் (Infographics) - ஆஸ்திரேலியா

தகவற்சித்திரம் - ஆஸ்திரேலியா  (Infographics - Australia)

நான் வாழும் புலமான ஆஸ்திரேலியா பற்றிய சுவாரசிய‌மான தகவல்களை உள்ளடக்கிய தகவற்சித்திரத்தை இன்று உங்களிற்குத் தந்துள்ளேன். வலையுலகில் ஆஸ்திரேலியா பற்றிய பல‌ தகவற்சித்திரங்கள் கொட்டிகிடந்தாலும், இதனை நான் கவனத்திற் கொண்டமைக்கான காரணம் :

ஆஸ்திரேலியா பற்றிய அரிய பல சுவாரசிய‌மான ஆர்வத்தைத் தூண்டும் தகவல்களை உள்ளடக்கியமை. அவற்றை நல்ல அழகியல் தன்மையோடு, மிகவும் கனகச்சிதமாக, வடிவாக‌ தகவற்சித்திரத்தில் பார்வைக்கு வைத்ததும், அதன் மூலம் சொல்லவேண்டிய விடயத்தை இலகுவாகவும், எளிதாகவும் வாசகர்களுக்கு புரிய வைத்ததும், என‌க்கு பிடித்தன. ஆங்காங்கே நகைச்சுவையும் உண்டு. இனி மிச்சத்தை தகவற்சித்திரம் சொல்லும்.

இத்தகவற்சித்திரம் மிகவும் பெரியது. எனவே தகவற்சித்திரத்தில் க்ளிக்கி (click) பிடிஎவ் (pdf) பைல்லாக ஓப்பன் பண்ணிப் பார்க்கவும்.

[caption id="attachment_381" align="aligncenter" width="600"] தகவற்சித்திரம் (Infographics) - ஆஸ்திரேலியா[/caption]

ஆஸ்திரேலியாவிற்கு வாருங்கள். ஆஸ்திரேலியா அதீத‌ அழகானது. ஆஸ்திரேலியா உங்களிற்கு மிகவும் பிடிக்கும்.

அன்புடன்
சாதாரணன்

Summary:

This infographics have information about

Compare the size of Australia with other countries
Australian Slang Language
and many interesting information about Australia and Australian with comedy.
Come to Australia. It's nice here. You like it.

Source: AGDA Australia
நன்றி : AGDA Australia

மிச்சச்சொச்சம் - பப்படத் தோட்டத்தில் தொடங்கிய என் முதல் ஊடக சகவாசம்

பப்படத் தோட்டத்தில் தொடங்கிய என் முதல் ஊடக சகவாசம்

றெடிவிஷன் என்கின்ற கேபிள் றேடியோவை உங்களில் சிலர் அறிந்திருக்கலாம் அல்லது கண்டிருக்கலாம். அந்த நாட்களில் கொழும்பில் அனேகமான வீடுகளில் கனெக்ஷ்சன் கொடுத்திருந்தார்கள். ஆனால் எங்கள் வீட்டில் அது இருக்கவில்லை. எனக்கு அது பிரச்சனையாகவும் இல்லை. என்னை எப்போதும் தூக்கிக்கொண்டு திரியும் புஷ்பா அக்கா வீட்டில் றெடிவிஷன் இருந்தது. இந்த ஊடகம் தொடர்பாக பலரையும் திக்குமுக்காட வைக்கும் மட்டற்ற பல கேள்விகள் பாலகனான என்னிடம் அன்று இருந்தன. அதற்கு வரமுதல் றெடிவிஷனைப் பற்றிக் கொஞ்சம் அறிவோம்.

[caption id="attachment_371" align="aligncenter" width="488"] இதுதான் றெடிவிஷன் என்கின்ற கேபிள் றேடியோ[/caption]

இதுதான் றெடிவிஷன் என்கின்ற கேபிள் றேடியோ. முதற் படத்தில் காட்டியவாறு நல்ல பவுத்திரமான இடத்தில் உயரே வைக்கப்பட்டிருக்கும். றெடிவிஷனில் தனியே றேடியோ சிலோன் அலைவரிசைகளை மட்டும்தான் கேட்கமுடியும். இரண்டாவது படத்தில் காட்டியவாறு பக்கவாட்டில் தெரிகின்ற‌ சுவிச்சின் ஒவ்வொரு முடுக்கிற்கும், தமிழ், சிங்கள, ஆங்கில அலைவரிசையென மாற்றி, மாற்றி கேட்கமுடியும். கேபிளினூடாக ஒலி அலைகளை றெடிவிஷன் பெறுவதால் நல்ல கிளியராக கேட்கக் கூடியதாகவிருக்கும். சாதாரண றேடியோ மாதிரி கரகரக்காது.

தமிழ் அலைவரிசையில் காலையில் கொஞ்சநேரம் தேசியசேவை, பின்னர் வர்த்தகசேவை. பத்து மணியிலிருந்து மதியம் பன்னிரண்டு மணிவரை ஒன்றுமேயில்லை. அதன்பின் இரண்டுவரை வர்த்தகசேவை. திரும்பவும் நாலுமணிவரை ஒன்றுமில்லை. அடுத்து ஆறுவரை வர்த்தகம். பின்னர் பத்துவரை தேசியசேவை. அத்தோடை சரி. அந்நாட்களில் எனக்குப் பிடிச்ச படப்பாட்டு சித்தி படத்தில் இடம்பெற்ற 'சந்திப்போமா, இன்று சந்திப்போமா' .





இனி என்ரை கேள்விகளுக்கு வருவோம். புஷ்பா அக்காவுக்கு அறிவு போதாததாலை அவாவின்ரை அம்மா, இராசாத்தி அன்ரிதான் என்ரை கேள்விகளுக்கெல்லாம் பதிலளிப்பா. அன்ரியை பற்றிச் சொல்லுறதெண்டால் என்றுமே நெற்றியில் திருநீற்றுக் கீற்றுடன், அவரின் பருமனுக்கேற்றவாறு அரக்கி, அரக்கி திரிந்துதான் வேலைகளைச் செய்வார். கூடவே என் துடுக்கான கேள்விகளுக்குப் பதில்களும் வரும்.

உவை எங்கையிருந்து பாட்டுப்படிக்கினம்?
அந்தப் பெட்டிக்குளையிருந்துதான் பாட்டுப்படிக்கினம்.

எப்பிடி அதுக்குள்ளையிருக்கினம்? சரியான சின்ன ஆக்களே!
இல்லை. பெரிய ஆக்கள்தான். ஆனா அவைக்கு மந்திர, தந்திரமெல்லாம் தெரியும்.

இப்ப எங்கை றேடியோக்காரர் போட்டினம்?
அவை இப்ப சாப்பிடப்போட்டினம்.

இனி எப்ப திரும்ப வருவினம்?
சின்ன முள்ளும், பெரிய முள்ளும் சேர்ந்து, சரிநேரா மேலைபோகேக்கை வருவினம்.

வந்து "சந்திப்போமா" படிப்பினமே?
ஓமோம் படிப்பினம். அச்சாப்பிள்ளையெல்லே சாப்பிட்டு படுங்கோ.

அப்போதை சந்தோஷமாப் படிச்சவை, ஏனிப்ப அழுதழுது படிக்கினம்?
ஆரோ அடிச்சுப்போட்டினம் போலைகிடக்குது.

இனிச் சந்தோஷமாப் படிக்கமாட்டினமே?
அடிச்ச ஆக்களோடை உறவாகியிட்டு, சந்தோஷமா நாளைக்குப் படிப்பினம்.

திரும்ப எங்கை றேடியோக்காரர் போட்டினம்?
அவை இப்ப தேத்தண்ணி குடிக்கப் போயிட்டினம். கொஞ்ச நேரத்தாலை திரும்ப வருவினம்.

இவ்வாறு, அந்நாட்களில் என் முதல் ஊடகத்துடனுடான சகவாசம், என்ரை கேள்விகளுக்கு பதில் சொல்லிக் களைச்சுப்போகும் இராசத்தி அன்ரியின் துணையுடன் பப்படத் தோட்டத்தில் கழிந்தது.

அன்று றெடிவிஷனில் தொடங்கி, நாடகம், சினிமா, பேப்பர், கதைப்புத்தகம், சஞ்சிகைகள், கமெரா, ரிவி, வீடியோ, மற்றும் இன்றைய பல்வகைக் கணினிகளென பல்லூடகங்களோடும், தற்போதைய வலைப்பூ, முகனூல், யூடியுப், ட்விட்டர், கூகிள்பிளஸ், இன்னும் வருமென தொடர்ந்த வண்ணமேயிருக்கும் இன்னோரன்ன சமூக ஊடகங்களோடும், அவை காட்டும் மாஜிக்கோடு ஒன்றிணைந்து இரசித்தவண்ணம் இடையறாது சஞ்சரிக்க, அடாது வினாத்தொடுத்த இந்தப் பாலகனின் லாஜிக்கோடு முற்றிலும் பொருந்திவர சலியாது, அன்று பதிலளித்த இராசத்தி அன்ரிதான் காரணமென்றால், அதில் சற்றும் மிகையில்லை.

சத்தியமா, நான் இராசாத்தி அன்ரிக்கும் இவ்வலைப்பூவைச் சமர்ப்பணம் செய்திருக்கவேணும். மறந்திருக்கவே கூடாது. இராசாத்தி அன்ரி இவ்வலைப்பூ உங்களிற்கும் சமர்ப்பணம்!!

அன்புடன்
சாதாரணன்

பி.கு: மிச்சச்சொச்சத்திற்கு ஒரு சிறிய இடைவேளை (நாலைந்து நாட்கள்தான்). அதுவரை மற்றப்பதிவுகள் தொடரும். மறக்காமல் காணத்தவறாதீர்கள்.

-அப்ப பின்னை, நேரமிருக்கேக்கை பேந்தும் வாங்கோவன்-

 

தைப்பொங்கல் வாழ்த்துச் செய்தியும் சின்னக் கவிதையும்!

எல்லோருக்கும் உழவர் திருநாளாம் தைப்பொங்கல் வாழ்த்துகள், கூடவே தமிழ்ப்புத்தாண்டு வாழ்துக்களும் உரித்தாகட்டும். ஒரு சின்னக்கவிதை கொஞ்சம் அவ்வையார், மிச்சம் நான்.

 

வரப்புயர நீருயரும்.
நீர் உயர நெல் உயரும்.
நெல் உயர அறுவடை பெருகும்.
அறுவடை பெருக உழவன் உயர்வான்.
உழவன் உயர்ந்தால் உலகமே செழிக்கும்.

அன்புடன்.
சாதாரணன்.

இணைப்புக்கள்
உங்களுக்கும் குழந்தைகளுக்கும்.

http://en.wikipedia.org/wiki/Thai_Pongal

http://www.pongalfestival.org/pongal-festival.html

மிச்சச்சொச்சம் - என் ஆரம்ப நினைவு தெரிந்த நாட்கள்

மிச்சச்சொச்சம் - என் ஆரம்ப நினைவு தெரிந்த நாட்கள்

"அப்பாவின் வேலைமாற்றல் காரணமாக கொழும்புக்கு இடம்பெயர்ந்ததிலிருந்துதான், ஆரம்பமாகின என் நினைவு தெரிந்த நாட்கள். கொழும்பில் என் வாசம் மருதானையில் பப்படவத்த என்று பரவலாக அறியப்பட்ட பப்படத் தோட்டதில் தொடங்கியது."

நான் பிறந்தது ஊர் மக்களால் "கீளிச்சந்தை ஆஸ்பத்திரி" என்று செல்லமாக அழைக்கப்படும், அளவெட்டி அரசினர் மருத்துவமனையில் தான். பின் எனது ஆரம்ப மழலைக் காலங்களில், அப்பாவின் வேலை காரணமாக திருகோணமலை, உப்புவெளி, என முதலிருவருடங்கள் கழிந்தன. பெற்றோர்கள் என்னை சல்லியம்மன் கோவில், கோணேஸ்வரர் கோவில் என்று நேர்த்திக்காக கொண்டு சென்றிருக்கின்றார்கள். எனது முதல் பிறந்த நாளிற்கு ஐந்து விரலிற்கும் ஐந்து மோதிரம் போட்டிருக்கின்றார்கள். ஒன்றுமே எனக்கு நினைவில் இல்லை. எல்லாமே அப்பா, அம்மா, மற்றும் என்னை அங்கு வளர்த்தவர்கள், பிற்காலத்தில் சொல்லிய கதைகள். மற்றப்படி திருகோணமலை, என்ன நிறமென்றே எனக்கு இன்றுவரை தெரியாது. போய்ப்பாக்க வேணுமெண்டு ஆசைதான். பார்க்கலாம்!

[caption id="attachment_346" align="aligncenter" width="450"] நான் பிறந்த "கீளிச்சந்தை ஆஸ்பத்திரி"[/caption]

அப்பாவின் வேலைமாற்றல் காரணமாக கொழும்புக்கு இடம்பெயர்ந்ததிலிருந்துதான், ஆரம்பமாகின என் நினைவு தெரிந்த நாட்கள். கொழும்பில் என் வாசம் மருதானையில் பப்படவத்த என்று பரவலாக அறியப்பட்ட பப்படத் தோட்டதில் தொடங்கியது. பப்படம் (அப்பளம்) செய்வதைக் குடிசைத் தொழிலாக மேற்கொண்டவர்கள் வாழ்ந்த இடம். பல வீடுகளின் முன்பாகவும், அவர்களால் செய்யப்பட்ட ஈரமான பப்படங்கள் காயவிடப்பட்டிருப்பதை என் மழலைக் கண்களால் அன்று கண்டிருக்கின்றேன். இப்போது எப்படியோ தெரியாது.

அன்றைய என் ஞாபகங்கள் என்று சொன்னால், முதலில் வருவது முன்வீட்டு ஆரிபாபா அக்கா. நல்லா ஆம்பிளைகள் மாதிரி ஒய்யாரமாக, ஸ்டைலாக சிகரட் குடிப்பார். அந்த ஏரியாவுக்கே ராணியென்ற தோரணையில் சவுண்டு கொடுத்துக் கதைத்துக்கொண்டு பந்தாவாகத் திரிவார். நல்ல நகைச்சுவையாகவும் பேசுவார். எல்லோரும் சிரிப்பார்கள். எனக்கு விளங்கினாத்தானே? இன்றும் ஆஸ்திரேலியாவில் ந‌ல்ல பந்தாவாக, சிகரெட் குடிக்கும் பெண்களைக் கண்டால் ஆரிபாபா அக்கா ஞாபகத்தில் வந்துபோவார்.

அடுத்த என் ஞாபகம் உங்களுக்கும் பிடிக்கும். என் முதல் ஊடக சகவாசம்; அங்குதான் தொடங்கியது. அது பற்றி நாளை எழுதுகின்றேன்.

அன்புடன்
சாதாரணன்

மிச்சச்சொச்சம் - ஒரு நனவிடைத் தொடர்

டிஸ்கி: வலையுலகப் பதிவர்களே, வாசகர்களே!! இத்தொடரில், நான் உங்களோடு ஈழத்தமிழும் கலந்து உரையாட வருகின்றேன். ஆரம்பத்தில் இத்தொடரை முழுக்க யாழ்ப்பாணத் தமிழில் எழுதும் எண்ணமிருந்தாலும், வலையுலக வாசகர்களின் புரிதலை முதன்மைப்படுத்தி சாதாரண தமிழினிடையே யாழ்ப்பாணத் தமிழ் கலந்து எழுதுவதாக இருக்கின்றேன். எனினும் மிகவும் பொருத்தமான பிரதிகளை முழுக்க, முழுக்க யாழ்ப்பாணத் தமிழில் எழுதும் எண்ணமும் உண்டு. இனி, யாழ்ப்பாணத் தமிழைக் கொஞ்சம் கேளுங்கோவன்!!!

[caption id="attachment_339" align="aligncenter" width="480"] மிச்சச்சொச்சம் - ஒரு நனவிடைத் தொடர்[/caption]

அதென்ன மிச்சச்சொச்சம் எண்டு கேட்காமால் விடுவியளே?

இவன் ஏதேனும் சொல்லுறதெண்டால் இப்படிச் சுத்தி வளைச்சுக் கொண்டு, எங்களைச் சாட்டித்தான் வண்டில் விடுவான் போலை கிடக்கு. என்னவோ விட்ற வண்டிலை நேரா விடு தம்பி, வந்திட்டம், இனிக் கேட்டுத்தானே ஆகவேண்டும். எண்டும் சொல்லுவியள்.

அதென்னெண்டால், சும்மா ஊரிலை நல்ல சாவதானமாக தோட்ட வரம்புகளிலை, வழுக்கி விடாமல் மெல்ல நடை போட்ட எங்களைக் கொண்டு வந்து fப்றிவேயிலை விரைந்து போகவிட்டுட்டுது வாழ்க்கை. ஆனால் பாருங்கோ என்னதான் வசதிகள் இருந்தாலும் தினமும் எங்கடை கனவிலும், நனவிலும் ஊர் நினைவுதானே வந்து துலையுது. அதைத்தான் மிச்சச்சொச்சத்திலை நானும் ஒரு பிடி பிடிப்பம் எண்டு நினைக்கிறன்.

என்னதான் சுத்தி வளைச்சு சொன்னாலும் இது ஒரு நனவிடை தோய்தல் உத்தியில், சொல்லப்படப்போகின்ற தொடர் என்பதைப் பலரும் புரிந்துகொண்டிருப்பீர்கள். (என்ன தம்பி, இப்ப வண்டில் நேரா வந்திட்டுது போலை கிடக்குது! சரி சரி சொல்லடாப்பா!). ஆனா இப்பிடிக் கனக்கப்பேர் எழுதியிட்டினம், புலம் பெயர்ந்த சூழலில் எனக்குத் தெரிந்தவரையில், இதிலை வலுவிண்ணனான எங்கடை எஸ்.பொ விலை தொடங்கி, அ.முத்துலிங்கம், ஷோபாசக்தி, அ.ரவி, சயந்தன், வலையுலகில் கானாப்பிரபா, கே. எஸ். சுதாகர், ஜேகே, மற்றும் பலரென எல்லாரும் ஒரு கரை கண்டுட்டினம். இன்னும் சொல்லினம்.

இதுக்குள்ளை நான் என்னத்தை புதிசாச் சொல்லப்போறன் என்ற சங்கடத்துடனும், எண்டாலும் அவை எழுதினதின்ரை மிச்சத்தையும், சொல்லாமால் விட்ட சொச்சத்தையும் சொல்லலாமெண்ட தைரியத்தோடையும், எனக்குரித்தான தனித்த அனுபவங்களை இங்கை மிச்சச்சொச்சத்திலை நானும் உங்களோடை பங்கிட விரும்புகின்றேன். எதையும் வடிவாச் சொன்னால் கேக்கிற‌ உங்கடை பொச்சத்தை நானும் கொஞ்சம் தீர்ப்பனெண்ட நம்பிக்கையோடை உங்களை நம்பித் தொடங்கிறன். கைவிட்டுடாதையுங்கோ. அத்தோடை குறை, நிறைகளை பின்னூட்டத்திலை சொல்லவும் மறந்திடாதையுங்கோ.

"எல்லாம் சரி தம்பி, டிரெய்லர் காட்டினது காணும். எப்படாப்பா மெய்ன் பிக்சரைப் போடப்போறாய் தம்பி?"

அண்ணை கொஞ்சம் பொறுங்கோ, நாளை முதல்.......

உங்களன்போடை,

சாதாரணன்.

-அப்ப பின்னை, நேரமிருக்கேக்கை பேந்தும் வாங்கோவன்- 

Australian Low Carbon

சோம்பேறி என்று கவலைப்படுகிறீர்களா?

சோம்பேறி என்று கவலைப்படுகிறீர்களா?

கவலையை விடுங்கள்! உங்கள் சோம்பலுக்கு காரணமான ஜீனையும் விஞ்ஞானிகள் கண்டுபிடித்து விட்டார்கள். நீங்கள் உறக்கத்திலிருந்து விழிப்பதற்கு சிரமப்படுவதற்கு காரணமான இந்த ஜீனேதான் ஒரு முழுநாளுக்குமான உங்கள் உறக்க - விழிப்பு வட்டத்தின் ஒழுங்கமைப்பைத் (sleep cycle rhythms) தீர்மானிக்கின்றது.

ஒரு பழப்பூச்சியை மையமாகக்கொண்டு  அமெரிக்காவிலுள்ள Northwestern University இல் Dr. Ravi Allada  தலைமையிலான விஞ்ஞானிகள் குழுவினர் நடாத்திய பரிசோதனைகளின் முடிவுகளின் இது கண்டறியப்பட்டுள்ளது. இது மனிதனுக்கும் பொருந்தக் கூடியதாகுமெனவும் கூறியுள்ளார்கள்.

இணைப்புக்கள்

செய்தி
http://www.thirdage.com/news/sleep-cycle-rhythms-regulated-genes_2-17-2011

விளக்கமான விபரங்கள்
http://www.innovations-report.com/html/reports/studies/waking_hard_170292.html

முழுமைமையான பரிசோதனை முடிவுகள் (சந்தா தேவை)
http://www.nature.com/nature/journal/v470/n7334/full/nature09728.html